فيه كتب كتير اتكلمت عن العلاقات والتعافي والقوة الأنثوية، لكن الفرق هنا إني بصراحة وصدق وجرأة هقولك اللي الرجالة عمرها ماهتفكر تقوله، واللي الستات خايفة تسمعه!. في الكتاب ده حكشفلك كل اللي ما تعرفهوش عن خبايا العلاقة بين الراجل والست، وحعلمك ازاي تتعاملي صح مع الراجل، ازاي تكسبيه وما تقعيش في الأخطاء اللي وقعت فيها قبلك ملايين الستات. حنعرف سوا ازاي تسعي للسواء النفسي، وتفهمي احتياجاتك ورغباتك وصراعاتك، وتكوني في تصالح ذاتي وسلام داخلي قبل ما تدخلي في أي علاقة، ولو دخلتي علاقة تبقى عارفة تحددي هل هي آمنة ولا مؤذية، حنتعلم سوا ازاي تتحرري من قيود الطفلة المهزومة جواكي بسبب مشاكل الطفولة أو الخبرات الماضية، ازاي تتحرري من مشاعر الذنب، الخزي، والقلق. رحلة القراية في الكتاب دا تجربة انتي تستحقيها
About the author
أسماء علاء الدين، كاتبة مصرية وباحثة ماجستير في علم النفس الإكلينيكي، تعمل معالجة نفسية ومديرة التدريب في إحدى المستشفيات الخاصة. صدر لها مجموعة من الكتب العلمية والروايات، مثل ‘سكون’، ‘سيناريو وحوار’، و’عاشق البنفسج’.
More ebooks from the same author(s) / Editor
20,163 Ebooks in this category
