Drie van Annelize Morgan se beste verhale. In Wit roos van geluk moet Rosalie deur diep water gaan. Sy was net ’n baba toe haar ma haar op oom Markus se stoep neergelê het. Maar sy familie wou haar nie op die plaas hê nie. En die man wat sy liefgekry het se skatryk pa is ontevrede oor haar verlede . . . In Huis sonder liefde besef Nora Fouché dat die Keppler-huishouding in ’n wolk van geheimsinnigheid gehul is. Waarom duik Paul van der Hoff se naam in elke fluistergesprek op? En watter geheim lê opgesluit in die verlore dagboek van Clara Keppler? In Silwer drome sterf Oswald van Noordwyk voordat hy vir Verona alles omtrent haar verlede vertel. Hy laat egter een opdrag na: Vind Konrad. Verona besluit om Amasone toe te gaan: Sy wil haar ouers se grafte gaan soek én sy wil haar jeugliefde, Konrad, opspoor. Die geheimsinnige Vasques moet talle kere Verona se lewe red. Sal die spanning van ’n emosionele tweestryd sy tol eis?
Über den Autor
Annelize Morgan is ’n ou hand wat liefdesverhale betref. Sy het meer as 40 titels agter haar naam en is bekend vir haar verhale vol spanning en intrige, asook verhale wat in die woestyn afspeel. Sy en haar man woon op Ladismith.
Ebooks vom selben Autor / Herausgeber
755.463 Ebooks in dieser Kategorie
