Munstroak eta gu aldi berean ari gara zahartzen. Ez da harritzekoa. Liburu honetan agertuko zaizkigun mamu guztiak gure isla baino ez dira. Haiek dira, Gonzalo Suárezek ederki amestu zuen legez, barruan daramagun Mr. Hyde propioa. Haiek dira guk geuk pintaturiko Dorian Greyren nolabaiteko erretratua. Haiek egingo dituzte, gure partez, geuk gustuko, begiko, gogoko ditugun oker guztiak. Guk ez dugu okerrik egingo. Gu testuinguru soila izango gara. Gure mandatariak izango dira pantailan. Haien aurpegietan, haien ibilera makurretan, haien begiradetan grabatuko da Gaizkiaren seinalea, guk, zine aretoetako ilunpean, salbu, onik, kalterik gabe, eder irauten dugun bitartean.
लेखक के बारे में
Begoña del Teso (Donostia, 1959). Itzultzaile, kazetari eta zinema-kritikaria izan baino lehen, haur izutia izan zen. Horoskopoz, berriz, Geminis da, eta horrek ere badu bere garrantzia. Plazer adina izu ematen zioten filmetako munstroek, eta, muntsro horiek garaitzea ezinezkoa zitzaionez, haien lagun egitea erabaki zuen. Munstroak aztertu eta ulertarazteari ekin zion, beraz, eta ahalegin horren emaitza da liburu hau.
एक ही लेखक से अधिक ईबुक / संपादक
3,698 इस श्रेणी में ईबुक
