Scriver duessi in catschadur mai. Mo buca vegnir sin l’idea da scriver. Scriver seigi aunc ina caussa pli dubiusa che cuer ora cavazzas. In cudisch da catscha seigi screts suenter diesch paginas e tschei stuessien ins emplenir cun maletgs per vegnir sin in volumen andant. Bien, en in lungatg periclitau dueigien era ils catschadurs scriver empau, pertgei tochen ch’ei vegni scret seigi il lungatg buca morts, ils tiers vivs, ed ils catschadurs hagien buca la mendra fantasia.
Tentang Penulis
Leo Tuor (naschius 1959) ei carschius si a Rabius e Mustér, nua ch’el ha absolviu il gimnasi. Silsuenter ha el studegiau filosofia, historia e litteratura a Turitg, Fribourg e Berlin. Duront ses studis eis el staus redactur dalla gasetta da students ‘la Talina’. Leo Tuor scriva raquents, essays, columnas e contribuziuns per gasettas, organs ed antologias. Ultra da quei lavura el per radio romontsch. Sia ovra litterara principala ei la trilogia sursilvana Giacumbert Nau (1988), Onna Maria Tumera (2002) e Settembrini (2006). Leo Tuor ha retschiert differents premis e viva cun sia familia a Val/Surrein.
Ebook lainnya dari penulis yang sama / Editor
790,778 Ebooks dalam kategori ini
