’n Dekade of wat gelede het Marita van der Vyver soos ’n wafferse prinses van ’n verre land deur Frankryk gereis en ’n vreeslik verleidelike padda leer ken. Omdat sy so graag in sprokies wil glo, het sy gehoop dat as sy hierdie slim padda soen, hy in ’n prins gaan verander. Dis mos hoe sprokies werk.
En wat gebeur toe?
Saam met haar prins sit sy huis op in ’n Franse dorpie. Hulle gaan woon in ’n ou kliphuis in Rue de l’église – Kerkstraat. Dáároor skryf sy in In die hart van ons huis.
En wat gebeur nou?
Hulle trek. En nie waarheen nie . . . Na ’n plek wat bekend staan as Plek van die Paddas.
’n Fontein voor ons deur is ’n reeks stories oor ’n verhuising – ’n Franse verhuising! Maar dit is dan eintlik stories oor dit wat die hart vasmaak aan ’n huis en sy mense; ook dit waarvan jy jou moet losmaak as jy verhuis. En daardie dinge wat altyd met jou saamtrek.
Een ding is seker: Of dit nou in Kerkstraat of Paddastraat is, soos Marita van der Vyver dit sien, bly die lewe ’n fontein bruisend met verrassings.
Circa l’autore
Marita van der Vyver is in Kaapstad gebore, was op laerskool in Bellville en op hoërskool in Menlopark en Nelspruit. In haar matriekjaar, die Afrikaanse Eeufeesjaar in 1975, wen sy ’n landwye digkunswedstryd vir hoërskoolleerlinge. Die prys is ’n studiebeurs vir vier jaar aan die universiteit van haar keuse. Sy gaan na Stellenbosch, waar sy in 1978 ’n B.A. en in 1979 ’n honneursgraad (cum laude) in joernalistiek verwerf. ’n Paar jaar later, as deeltydse student, behaal sy ’n meestersgraad in joernalistiek met ’n tesis oor die vrou in die Afrikaanse pers. Sy het deelgeneem aan skrywerstoere, literêre konferensies en openbare voorlesings in die VSA, Kanada, Nederland, België, Oostenryk en Suid-Afrika.
Altri ebook dello stesso autore / Editore
47.368 Ebook in questa categoria
