Orain arte beste batzuek idatzi dute Iribarri buruz. Bere kirol ibilbidea aski ezaguna izango da askorentzat, baina beti ere kanpotik begiratuta. Iribar ez da sentimenduak erraz azaleratzen dituen horietakoa. Hala ere, ez du alferrik galdu nahi izan bere sentipenak, gertaerak, erabakiak, jokabideak, akatsak eta abar bere ikuspegitik kontatzeko aukera hau. Zoritxarrez, denborarekin batera joan dira hainbat oroitzapen. Zorionez, behar zuen laguntza izan du, atzendutako hori berreskuratzerakoan. Iribar izan dena eta gaur ere badena zintzo jasotzea da liburu honen asmoa. Kronika interesgarria eta, aldi berean, atsegin eta gozagarria.
O autorze
Pedro Mari Goikoetxea. Lezaman jaioa, ibilbide luze eta emankorra egin du kazetaritzan. Bilboko Herri Irratian hasi zen kazetari, eta 1983az geroztik, urte hartan hasi baitziren Euskal telebistaren emisioak, kate horretan jardun du, kirol kazetari gehienbat, nahiz eta, horrez gain, bestelako telebista-saioak ere aurkeztu dituen, hala nola Sei Argazkitan dokumental eta elkarrizketa saioa.
Więcej książek elektronicznych tego samego autora (ów) / Redaktor
11 041 Ebooki w tej kategorii
