’n Magiese roman oor die lotgevalle van die Land- en die Seestamme aan die suidkus van Afrika sowat honderdduisend jaar gelede. Dis die storie van Ama, jongvrou wat wil Storievrou en Moetievrou word, soos die ouvrou Maouma. Maar eers moet sy vróú word, die bloedgebed en die Eerste Ingaan beleef. Wie gaan haar herd-man wees? En waarheen verdwyn sy so skielik? Dis ook die storie van ’n magstryd: Wie gaan Hoofman-Owerste van al die Seestamme word? En dis die storie van die mensheid se oorlewingstryd, want die omgewing kan nie meer almal voed nie. Sal dit help as hulle beter gereedskap kan maak? Durf hulle ’n groot taboe breek om te kan oorleef? En by dit alles moet die wyse Sjamaan sorg dat hulle die geeste tevrede hou.
Sobre o autor
Marié Heese het Engels, Staatsfilosofie en Drama gestudeer en was eers onderwyser en toe dosent, haar laaste pos by ’n universiteit was by Unisa, waar sy betrokke was by die ontwikkeling van materiaal vir afstandsonderrig. Sy het bekendheid as skrywer verwerf met haar roman Die uurwerk kantel – gepubliseer in 1976 en heruitgegee as ’n klassieke Afrikaanse roman in 2006. Haar roman, The Double Crown, is bekroon met die Statebondsprys vir die Beste Boek in Afrika in 2010. Sedertdien het nog twee romans verskyn: The Colour of Power, en die opvolg, A Triple-headed Serpent.
Sy woon saam met haar man in Stilbaai en die Klein-Karoo
Mais ebooks do mesmo autor(es) / Editor
756.937 Ebooks nesta categoria
