Georgette Heyer 
Þegar örlög ráðast [EPUB ebook] 

Þrátt fyrir að hjarta Elísabetar Winwood tilheyri Herra Eðvarð Heron, er hún tilbúin til að fórna eigin hamingju fyrir velferð fjölskyldu sinnar. Fjárhagurinn er þröngur vegna spilafíknar bróður hennar og því ekki annað í stöðunni en að Elísabet játist bónorði hins auðuga Rule lávarðs. Með sína sterku réttlætiskennd, ákveður yngsta systir hennar, Horacia, að taka málin í eigin hendur er hún reynir að sannfæra lávarðinn um að giftast sér í stað Elísabetar.
Mun henni takast að forða Elísabetu frá hjartasári og bjarga ríkidæmi fjölskyldunnar um leið?

Om författaren

Georgette Heyer (1902-1974) var enskur rit- og smásagnahöfundur. Frá unga aldri lagði hún stund á skriftir og var aðeins sautján ára þegar frumraun hennar á ritvellinum ’The Black Moth’ var gefin út. Það reyndist einungis byrjunin á tilkomumiklum ferli en Georgette skrifaði yfir 57 bækur um dagana og nutu margar þeirra vinsælda um allan heim. Hún var brautryðjandi í flokki sakamálasagna og sögulegrar rómantíkur og lagði sérstaka áherslu á sögur sem atvikuðust á ríkisstjóratímanum í Bretlandi. Hér á landi höfðu margir unun af bókum hennar en fyrsta þýðingin var gefin út af Vöku árið 1984 og síðan fleiri í framhaldinu.