Sa dòpia ferta mentovada in custu libru est s’illacanamentu de sa limba sarda, ammuntonadu e connessu cun àteras formas de esclusione: su gènere, sa classe, su pagu istùdiu, su pagu prestìgiu, sa poberesa. Est pròpiu su chi nd’est essidu a pìgiu dae sa I Cunferèntzia Aberta de su Sardu, chi s’est fata in Nùgoro su 14 de ghennàrgiu 2017, e a manera particulare dae sos panel o trumas de traballu suos. Cuddos resonos sunt presentados in custu report, un’informe chi ddos ammustrat a pustis chi sunt istados elaborados e cunfrontados segundu formas de codìfica e de anàlisi de is iscièntzias sotziales. Duncas, is ideas a pitzus de su sardu e de su benidore suo, chi tenent is chi leant parte a su movimentu linguìsticu o puru traballant cun su sardu sunt s’ogetu de custu libru polifònicu. Polìticas linguìsticas, status de su sardu, gènere e sardu, su sardu in s’iscola, su sardu in is mèdias, su sardu e sa literadura e medas àteras cosas.Sa tenta de custu libru est duncas de cumprèndere su chi pensant e chie sunt is chi sunt traballende pro sa torrada de su sardu che limba dinna, respetada e aguale in sa Sardigna de oe, is trèulos e is isperos issoro, e sa faina chi isetat a totus is chi cumpartzint custu traballu pro sa paridade linguìstica.
Aynı yazardan daha fazla e-kitap / Editör
184.497 Bu kategorideki e-kitaplar
