2. SPORE NA DIE DOOD – SAHARA AVONTUUR REEKS
Die verhaal begin in die hart van die Sahara met ’n patrollie van die Franse Vreemdelegioen, moeg na hul patrollie in die bloedige warm Sahara. Onder leiding van die reusagtige Fritz Mundt, verlang hulle na die effens beter geriewe van Dini Salam. Onder hulle is Teuns Stegmann, ’n Suid-Afrikaner wat spook met ’n historiese verbintenis met El Karima, die meedoënlose leier van die Doelak-Arabiere. Hul sending neem ’n donker wending met die ontdekking van twee dooie perde in Spaanse vroue rysaals en die afwesigheid van enige ruiters. ’n Goue hangertjie wat aan El Karima behoort word ook gevind, wat groot ongemak wek by die patrollie.
Die skokkende ontdekking laat die Legioen se probleme eskaleer. Kolonel Le Clerq, die garnisoen se bevelvoerder, is verstom om te verneem dat sy vrou, Antoinette, een van die vermiste ruiters is, vermoedelik ontvoer deur El Karima. ’n Losgeld eis bereik hulle kort daarna wat hulle ’n swaar keuse bied. Teuns Stegmann se lewe in ruil vir Antoinette se vryheid. Kaptein D’Arlan staan voor die onmoontlike keuse om een van sy dapperste manne op te offer of sy bevelvoerder se vrou te veroordeel.
D’Arlan worstel met sy besluit, wel wetende dat El Karima se woord waardeloos is, terwyl Teuns stoei met die moontlikheid om vir El Karima se wraak te sterf. In ’n verstommende daad verdwyn Teuns. Hy poog om homself te oorhandig aan El Karima, net om daarmee nog meer gevaar te skep vir almal betrokke. Teuns hou sy planne geheim en dit is aan die leser om te ontdek wat die held wegsteek. Sal Theuns daarin slaag om almal te red, of stap hy in ‘n dodelike lokval in wat baie meer kompleks is as wat hy hom kon voorstel?
Plus d’ebooks du même auteur(s) / Éditeur
790 778 Ebooks dans cette catégorie
