Maja moet probeer aanpas by die lewe in ’n padkamp in die Caprivi ná haar man, ’n ingenieur, daarheen verplaas word. Hul verhouding word vertroebel deur Louis se onvermoë om sy weermagervarings te verwerk en die spanning in die kamp, waar die druk van spertye en die klomp mans wat met hulself opgeskeep sit, soms hand uitruk. Maar Maja het ook ’n geheim wat sy vir Louis wegsteek. Slegs Phineas, die ou opsigter by die padkamp, weet iets daarvan, en in hom vind Maja ’n onverwagte vertroueling en vriend. Voor sy by Louis aangesluit het, het Maja dikwels weke alleen agtergebly in die Soutpansberg-omgewing waar hulle gewoon het. Dis in daardie alleentye wat sy ’n vriendskap aanknoop met Alex, ’n diepsinnige kunstenaar en die teenoorgestelde van die beneukte Louis. In die Caprivi is Maja dikwels op haarself aangewese en moet sy haar lewe en besluite in oënskou neem om haar pad vorentoe te vind.
Sobre o autor
Anemari Jansen het voorheen in Venda en die Kavango/Caprivi gewoon en het al drie honderd kilometer in tien dae gestap deur die Namakwaland. Sy het drie kinders: Rohan, Christian en Carina en besit ’n gastehuis, Koorsboom Cottage, in Bedfordview. Sy is verslaaf aan boeke en skryf stories – onder meer oor die ervarings van oud-polisiemanne. Sy het ’n meestersgraad in Afrikaans.
Mais ebooks do mesmo autor(es) / Editor
789.885 Ebooks nesta categoria
