Liburu hau 2011.eko uztailaren 13ko gauean hasten da. Bittor Kapanaga, konorte gabe, azken arnasetan dago Gasteizko Santiago ospitalean eta gau luze horretan ni neu bere ondoan jagole eta zelatari nagoelarik, biok biotara hainbat urtetan izan genituen elkarren arteko solasaldia bailitz, berarengandik hartutako eta ikasitako gogoetak eta kontaketak aurkituko dituzu bertan. Euskal kulturgileok ezizen ugariz bataiatu izan dugu: ‘Rara Avis’ Xabier Kintanak, ‘Profeta’ Jon Lopategik, ‘Aitzindaria’ Jose Luis Lizundiak, ‘Aztia’ Igor Elortzak, ‘Euskeraren jagolea’ Juan Manuel Etxebarriak, ‘Otxandioko jakituna’ Bitoriano Gandiagak, ‘Druida’ Joseba Sarrionandiak, ‘Pentsalari-ikerlaria’ Xabier Amurizak edota euskal Sokrates, beste hainbatek. Bittor, Amaren Sua biztu nahian zebilen neure jakin-minaren ezagutza handiko iturria izan dut. Psikologo-filosofoa ere bazen, euskeraren erroak ikertzen eta garatzen ziharduen euskaltzalea. Eta hizkuntza, ibilian dabilen harria, darabilguna eta garabiltzana dugunez: ‘Bittor, Izan Gare, Bagare eta Izango Gare’.
Об авторе
(Zeanuri 1956-01-25), 1974. urtean euskal kantagintzan hasi zenetik, 18 disko, 5 musikal eta ehunka kontzertu burutu eta eskeini ditu. Soziologian lizentziatua, sortzailetzat du bere burua; hainbat idazki, gidoi eta iritzi artikuluak ere idatzi ditu. ‘Gorbeiako Haizea’ ostean, ‘Bittor eta Biok’ bigarren saio luzea dugu honako hau. Bittor Kapanagak idatzitako olerki dezente musikatu eta herrikoi bihurtu dira: Bagare, Laster, Herria maitatzeko… eta orain, Bittorren iritziak eta pentsakera eskeintzen digun honetan, lagun eta maisutzat izan duen Bittor Kapanagari gorazarre egin nahi dio. Bittor eta Gontzalen arteko elkarrizketa bailitz sortua eta eratua dago eleberri-saioa, 1974. urtean Otxandioko Santa Mañak jaietan elkar ezagutu zutenetik, 2011.eko uztailaren 14an Bittor, Gasteizko Santiago ospitalean zendu zen arte. BIOK izeneko CDan, besteak beste, Bittorrek goraipatzen zuen ‘Amaren Sua’ eta berari eskeinitako ‘Bizitzen ikastea’ kantuak sartzen dira.
Больше книг от того же автора (ов) / редактор
10 880 Электронные книги в этой категории
