Jatorrizko Herriek eta Nazio Gutxituek testuinguru demokratikoan jorratzen dituzten lanetan inspiraturik, Alain-G. Gagnonek begirada berri bat eskaintzen die gehiengoen eta gutxiengoen arteko harremanei, eta, aldi berean, aurrerapen teorikoak aztertzen ditu, bai ikasketa federalen alorrean, bai nazionalismo garaikideenean.
2020-2030eko hamarkada egokia izan liteke federalismo multinazional bat sortzeko nazioarte mailan. Estatu berrien sorreraren aurrean potentzia handiek eta nazioarteko erakundeek bizi duten deserosotasun gero eta handiagoaren aurrean, federalismo multinazionala aztertzeak berebiziko garrantzia du une honetan. Gutxiengoen nazioek estatu subiranoarekiko erakusten duten leialtasunaren ordainetan, federalismo multinazionalak aukera emango lieke jatorrizko subiranotasuna berreskuratzeko –edo berrezartzeko–, betiere kontuan hartuta kide politikoekin koordinatu eta ituntzeko premia dutela, eta haiekin bizi behar dutela egitura federaletan edo federalizazio-bidean daudenetan.
Gaur egun, funtsezkoa da errebindikazio-gatazkak legitimitatearen kontzeptuan oinarritzea, estuegia gertatzen den legezkotasunaren kontzeptuan oinarritu ordez.
เกี่ยวกับผู้แต่ง
Alain-G. Gagnon Kanadako Quebeceko eta Kanadako Ikasketen Ikerketa Katedraren (CRÉQC) titularra eta Quebeceko Aniztasunari buruzko Diziplinarteko Ikerketa Zentroaren (CRIDAQ) zuzendaria da. Quebeceko Unibertsitateko Zientzia Politikoko Departamentuan irakasten du. Horrez gain, Nazio Anitzeko Enpresen Ikerketa Taldearen (GRSP) zuzendaria eta kide sortzailea da. 2007an Josep Maria Vilaseca i Marcet saria jaso zuen, Kataluniako gobernuaren Institut d’Estudis Autonòmics delakoak emana, bai eta Marcel-Vincent saria ere, Association francophone pour le Savoir (ACFAS) elkarteak emana. 2008ko Zientzia Politikoko Quebeceko Elkartearen bikaintasun saria ere eman diote.Federalismoa, nazionalismoa, herritartasuna, identitate nazionala, nazioanitzeko gizarteak eta aniztasuna dira Alain-G. Gagnonen ikerketen gai nagusiak, eta liburu ugari argitaratu ditu haien inguruan; ALBERDANIAn Ziurgabetasunen aroa argitaratu zuen 2012an.
หนังสืออิเล็กทรอนิกส์เพิ่มเติมจากผู้แต่งคนเดียวกัน / บรรณาธิการ
120 หนังสืออิเล็กทรอนิกส์ในหมวดหมู่นี้
